Post Description

++++++++++++++++++++++++++++++++++++++++++++++++++++++++++++++++

Bèste regionaal meziekvrun,

Iech bin al mien leeve laank Vastelaovendsleedsjes oet Mestreech aon ut verzamele .
Iech bin d'r nog lang neet, mèh ut begint op te sjeete!
Eindelik höb iech de stoute sjeun aongetrokke en wèl iech diech sjoen pleetsjes via internet mèt uuch deile, veurtot iech de piep oet gaon en alles verloore geit. De wèts ut mèr noets!!!

De lètste oonafhaankelikke CD-winkel in Mestreech sloot in 2008 zien deure . 
Heijnao waore veer aongeweze op de ketens vaan :
Free Record Shop, Van Leest, V&D, de Bijekörref en de Mediamèrret.

Sinds 2013 kinne veer allein nog mèr terèch bei dee lètste .
Veul aonbod mèr wienig aondach veur Limbo- en Sjengemeziek.
Wèt geer nog wieväól platenzaake Mestreech vreuger heet gehad? Tevaol um op te numme.
Wat iech miech nog kin herinnere :
* De Harp
* Woepen
* Math Niël
* Richterichs en Roeks
* Disco Danser
* Disco de Man
* Goossen
* Disco Charly
* Virgin Records
* King
* Bitouque
* Music Plus
* èn dee waor iech zèllevers vergete Roeksjoek (bove de Edah in de Kleine Staat - 2de hands plaate)

Iech woort d'r weijer op attènt gemaak tot d'r vreuger in Hier ouch nog 'n plaatezaak laog.
Dat wis iech ierlik gezag neet!
Iech mog vaan mien mam vreuger noets in Hier koume. 
Daor zowwe mètsetrekkers woene.
Inmiddels weit iech tot dao gaar niks vaan woer is en tot daor allemaol fetsoendelikke luij woene.
 
Al mèt al gief ut in Mestreech (èn in Hier) noe dus gein ein platezaak mie !!!
Daomet goon veer us meziek mèr gewoen zèllef verspreije!

Iemes wees miech d'r zjus op dat men bij www.Limbo-music.nl (internet) ouch regionaal meziek kin kriege, weliswoer tege betaoling.
Wèlt geer de (nog levende) regionaal artieste financieel steune of höb geer gewetensbezoere tege habsjaarderij, koup de meziek daan via Limbo-muziek.

+++++++++++++++++++++++++++++++++++++++++++++++++
+++    Veur un bedaankske daon iech (beijnao) alles!!!!    +++
+++++++++++++++++++++++++++++++++++++++++++++++++

Iech prebeer koumende daog zoeväöl meugelik Mestreechter meziek op Spotnet te zètte ! 
Ut zal variëren vaan meziek oet de aw does tot spiksplinter nuij meziek. Vaan kwètsbuul tot Limbohouse.
Vaan meziek dat iech zèlluf geweldig vin, tot meziek boe iech ierlik gezag neet zoe kepot vaan bin. 
Al mèt al meziek boe iech vaan verwach dat aander luij ut zalle appreciere.

Dus haw ut in de gate, d'r kump nog väöl mie!!!

+++++++++++++++++++++++++++++++++++++++++++++++++++++++++++++++