Post Description

Bèste meziekvrun,

Iech bin al mien leeve laank Vastelaovendsleedsje oet Mestreech aon ut verzamele .
Iech bin d'r nog lang neet, mèh ut begint op te sjeete.
Aofgeloupe jaor höb iech roond deze tied hiel väöl regionaal meziek gepoos, um dee sjoene meziek via internet met uuch te deile. 
Veur alle dudelekheid, iech veul miech nog steeds good, meh soms geit 'ne mins de piep oet veurtot heer dat zèllevers wèt. Daan zow alle meziek verloore goon. Tied dus um dit cultureel erfgood aon uuch door te geve.
Um hiel ierlik te zègke bin iech best wel 'ne Chauvinis.
Iech bin gruuts op Mestreech en bin blij heij gebore en getoge te zien.
Iech bin dus 'ne echte Sjeng.

Iech kreeg aofgeloupe jaor dèks verzeukskes vaan luij die neet 't veurrech höbbe gehad um zjus wie miech heij te mage woene.
Speciaol veur die luij höb iech ouch gèt in de oanbejing. 
Noe hoop iech neet tot die luij oet Mestreech 't miech koelik goon numme.

Iech prebeer koumende daog zoeväöl meugelik Mestreechter en 'n klein bitsje Limburgse en zèllefs Braobentse meziek op Spotnet te zètte ! 
Ut zal variëren vaan meziek oet de aw does tot spiksplinternuij meziek.
Dus alle meziek boe iech vaan verwach dat aander luij ut sjiek zalle vinden.
Vaan meziek dat iech zèlluf geweldig vin, tot meziek boe iech neet zoe kepot vaan bin.
Wie hoeger datste riechting Noorden geis wie minder dat 't met Vastelaovend te make heet.
Dat weite veer heij allemaol!
Mèh iech wèl daomèt laote zien dat veer Mestreechtenere zoe slech nog neet zien!!!
Alaaf!!!

Dus haw ut in de gate, d'r kump nog väöl mie!!
+++++++++++++++++++++++++++++++++++++++++++++++++
+++ Veur un bedaankske daon iech (beijnao) alles!!!! +++
+++++++++++++++++++++++++++++++++++++++++++++++++