Post Description

Dit is mien beste verzameling tot noe tow!

Vaan "de Vekansiegenger vaan Sjef Habets" tot "'t Slavekoer mèt de klokke".
Vaan "de MVV Polka" tot "Tette Marie".
Vaan "Vraog d'n hier ins wat 'r vaan miech welt drinke" tot "Housen in Cafe Zeezicht".
Oongeordend, neet gesorteerd, alles doorein, kortum eine groet chaos! 
Zjus wie de unieke Straotkarneval in Mestreech!
De luij die in Mestreech op stap goon mèt die daog wete perceis wat iech bedoel!
Veul plezeer demèt!!!
================================================================
Iech wèl uuch d'rop wieze, dat via www.Limbo-music.nl (internet), ouch regionaal meziek te verkriege is, weliswoer tege betaoling.
Wèlt geer de (nog levende) regionaal artieste financieel steune of höb geer gewetensbezoere tege habsjaarderij, koup daan de meziek via Limbo-muziek.
Kint geer ut daor ech neet vinde, kint geer altied bij miech terech.

Ut slete vaan alle meziekwinkels in Mestreech, heet veur miech d'n doorslaag gegeven um al mien regionaal meziek op internet te zètte.

Mesien dat d'r luij zien, die ziech sjaggerére, dat d'r gein pleelies bij de posts zit.
Iech höb echter gewoen geine tied um alles in 'n umsjrijving  te benumme (aanders zow de
Vastelaovend al lang veurbeij zien). 
Dus heijveur mien oprechte excuses.
Mesjien moote de leedsjes die in de posts verpak zittte, 'n verrassing blieve ('n soort kedooke vaan miech).
Iech wèl uuch d'rop wieze dat alles gratis en veur niks is! 
Luij die dat niks vinde, moote de posts mèr gewoen laote stoon en weijer zeuke.
Iech bin blij mèt uuch dien bedaankskes en wins uuch alvas 'ne zaolige Vastelaovend!